Connect with us

Hausa

Shekara biyar: Shin ina labarin ‘yan Matan Chibok?

Published

on

Iyayen 'yan matan Chibok sun ce suna cikin tashin hankali tsawon shekara biyar
Hakkin mallakar hoto
Reuter
Image caption

Shekara biyar kenan da sace ‘yan matan sakandare 276 a garin Chibok, arewa maso gabashin Nijeriya.

An sace dalibai ‘yan matan ne ranar 14 ga watan Afrilun 2014, lamarin da ya dimauta al’ummar duniya, tare da janyo gangami da kiraye-kirayen lallai a ceto su.

Iyayen ‘yan matan sun ce tsawon shekaru biyar suna cikin tashin hankali, ko da yake sun ce har yanzu ba su cire tsammani ba, kamar yadda mahaifiyar daya daga cikin ‘yan matan ta shaidawa BBC.

An yi nasarar kubutar da wasu daga cikinsu, amma akwai sauran ‘yan mata 112, wadanda har yanzu ba a san inda suke ba.

A wata sanarwa, shugaban Najeriya Muhammadu Buhari ya ce ba zai huta ba har sai ya sake hada ‘yan matan da iyayensu.

Shin suna raye?

Hakkin mallakar hoto
AFP/Getty Images
Image caption

Ana tunanin wasunsu daga cikin ‘yan matan sun yi aure har da ‘ya’yansu

Babu tabbaci kan ko ‘yan matan da suka rage a hannun Boko Haram suna raye ko wani bayani kan inda ake garkuwa da su.

Wasu rahotanni sun ce an ga wasunsu a Kamaru, amma babu wata majiyar gwamnati da ta tabbatar da wannan

Amma akwai alamomin da suka nuna cewa yawancinsu sun yi aure har da ‘ya’ya.

Abubuwan da suka faru

Hakkin mallakar hoto
AFP
Image caption

Makarantar sakandaren Chibok da aka sace ‘yan matan

Mayakan Boko Haram sun yi wa sakandaren ‘yan mata da ke garin Chibok a jihar Borno tsinke a ranar 14 ga Afrilun 2014, suka kwashe dalibai 276.

Lokaci ne da ya shiga babin munanan abubuwan tarihi da jefa duniya cikin firgici da kaduwa.

Mako biyu bayan sace su ne, wasu mata suka fara gangami ta hanyar zanga-zanga, abin da ya zama mafari ga fafutukar neman a ceto ‘yan matan Chibok mai taken #BringBackOurGirls.

A ranar 5 ga watan Mayu kuma, Shugaban Boko Haram, Abubakar Shekau a wani faifan bidiyo ya fito ya amsa cewa su ne suka sace ‘yan matan Chibok.

Kwamitin gano gaskiya da Burgediya Janar Ibrahim Sabo ya jagoranta ya ba da rahoto ranar 21 ga watan Yunin 2014, inda ya ce babu dalibar da aka ceto bayan 57 da suka kubuta tun farko.

Satar ‘yan matan Chibok ta yi matukar jan hankalin al’ummar duniya, inda a ranar 14 ga watan Yuli fitacciyar matashiyar nan mai rajin bunkasa ilmin mata a duniya, Malala Yusoufzai ta ziyarci Najeriya.

Masharhanta da dama na ganin cewa al’amarin ya taka muhimmiyar rawa wajen kawo karshen gwamnatin shugaba Goodluck Jonathan wanda aka kayar a zaben 2015.

Jim kadan da rantsar da shi kan mulki, shugaba Muhammadu Buhari ya lashi takobin karya kashin bayan Boko Haram tare da alkawalin ceto ‘yan matan Chibok.

Sai dai kimanin wata shida bayan wannan alkawari a ranar 14 ga watan Janairun 2016, Daruruwan iyayen ‘yan matan Chibok suka yi wani maci a Abuja domin nuna juyayi bayan cika kwana 600 da sace ‘yan matan Chibok.

Hakkin mallakar hoto
Getty Images

Ranar 19 ga watan Mayun 2016, rundunar sojin Najeriya ta fitar da sanarwa game da Amina Ali ‘yar sakandaren Chibok ta farko da aka gano a yankin Damboa. An gan ta ne dauke da jariri.

Shugaban Najeriya Muhammadu Buhari kuma a ranar 22 ga Satumba, ya gayyaci Majalisar Dinkin Duniya ta shiga tsakani don tattaunawa da Boko Haram ta yadda za a yi musayar ‘yan matan Chibok.

Ba da dadewa ba kuma sai wani babban jami’in gwamnatin Najeriya ya shaida wa BBC ranar 13 ga watan Oktoba cewa an saki ‘yan matan Chibok 21.

Bayan wata bakwai, a ranar 7 ga watan Mayun 2017 fadar shugaban Najeriya ta ce ‘yan matan Chibok 82 da Boko Haram ta sako a ranar Asabar biyu ga wata, sun isa Abuja.

A ranar 14 ga Janairun bara, Dan jaridar nan mai ba da rahotanni kan kungiyar Boko Haram a Najeriya Ahmed Salkida, ya ce ‘yan matan Chibok 15 kawai suka rage a raye cikin 112 da har yanzu ke hannun kungiyar.

Gwamnatin kasar dai ta yi watsi da wannan labari, inda ta ce har zuwa lokacin suna ci gaba da tattaunawa don ganin an saki ragowar ‘yan matan.

Kwanaki bayan nan Boko Haram ta fitar da wani bidiyo dauke da wasu daga cikin ragowar ‘yan matan Chibok. Bidiyon ya nuna daya daga cikin matan sanye da shudin hijabi da farin nikabi tare da wasu mata kimanin goma.

Kamar ba a dauki darasi kan sace ‘yan matan Chibok ba, a ranar 19 ga watan Fabrairun 2018, Boko Haram ta kuma sace ‘yan matan sakandare 110 a makarantarsu da ke Dapchi a jihar Yobe. Al’amarin ya sake jefa Nijeriya cikin rudani da tunanin ‘yan matan Chibok.

Baya ga rukunin ‘yan matan Chibok da aka kubutar, an kuma gano daidaikunsu a lokuta daban-daban. Salomi Pagu ita ce ta baya-bayan nan da aka gano ranar 5 ga watan Janairun 2018.

Boko Haram a takaice

Hakkin mallakar hoto
AFP
  • A 2002 aka kirkiri Boko Haram da ke wa’azi kan kyamar ilimin boko
  • Ta kaddamar da yaki ne a 2009, inda ta kwace ikon garuruwa tare da kafa daula
  • Dubban mutane aka kashe, an sace daruruwa da suka kunshi har da ‘yan mata dalibai, kuma an raba miliyoya da gidajensu
  • Ta kulla alaka da kungiyar IS a 2015, tare da kiran kanta kungiyar IS a yammacin Afirka
  • Boko Haram ta rabu gida biyu bayan sabani tsakanin shugabanninta a 2016
  • Sojoji sun kwato garuruwa da dama a shekaru hudu da suka gabata, amma har yanzu Boko Haram barazana ce
Facebook Comments
Advertisement
Click to comment

Leave a Reply

Your email address will not be published. Required fields are marked *

Entertainment

Motar da Adam Zango ya ce ya saya milyan 23 ba tasa ba ce, tawa ce na ba shi shan miya – Z-Preety

Published

on

Fitacciyar jarumar finafinan Hausa, Zulaihat Ibrahim, wacce aka fi sani da Zpreety, ta yi wata muhimmiyar magana akan motar da Adam Zango yace ya saya naira miliyan 23.

Zulaihat wacce aka fi sani da Zpreety ta bayyana cewa wannan magana ba haka take ba, inda ta ce mota dai tata ce ta ara masa. Ta kara da cewa ta yi hakan ne domin ta nunawa duniya yadda take girmama Adam Zango, amma kuma sai ya ɓuge da yi wa mutane karya.

Zulaihat ta bayyana cewa motar nan da Adam Zango ya dinga sanyawa a kafafen sada zumunta ba tashi bace motarta ce.

Ta bayyana hakan ne a cikin wani bidiyo da ya dinga yawo a kafafen sada zumunta, inda aka nuno ta a tsaye kusa da motar tana magana.

Zulaihat din ta ce “Mutane na taa tambaya ta cewa dana sami kudin wakar babban yaro mai na yi da shi, gaskiya ce nake so na fada yau, motar nan da kuka gani Baba Adamu yana hawa tsakani da Allah tawa ce.

“Da aka bani ita don nake hawa, sai na ga cewa yana da kyau ka girmama na gaba gare ka, sai na dauka na ba shi akan zai hau na tsawon wata biyar daga nan zan karba na cigaba da amfani da motata.”

A jikin bidiyon Zulaihat ta nuna asalin motar Adam Zango, domin ta kara tabbatarwa da mutane cewa motarta ce.

“Ina dai so na nunawa duniya ta san ainahin abinda ke faruwa ne saboda kowa ya san cewa karya babu kyau.” Makonnin da suka gabata ne dai hotunan jarumi Adam Zango akan wata jar mota suka dinga yawo a shafukan sada zumunta, inda aka bayyana cewa ya sayi motar naira miliyan 23.

Facebook Comments
Continue Reading

Hausa

An samu bankin Musulunci a karo na biyu a Najeriya

Published

on

Wani rahoton da muka samu a jiya Litinin daga jaridar Iwitness ta tabbatar da cewa babban bankin Nijeriya, CBN ta bayar da lasisin fara aiki ga wani sabon bankin Musulunci a Nijeriya, mai suna TAJ Bank Limited.

Majiyar mu ta ruwaito babban bankin ta sanar da amincewarta da fara aikin wannan sabon bankin Musuluncin ta cika ne cikin wata wasika data aika mata a ranar Litinin, 15 ga watan Yuli, sakamakon gamsuwa da tayi da cikan dukkan sharuddan data gindaya mata.

Sai dai CBN ta iyakance ayyukan Bankin TAJ a iya yankunan Arewa maso yammaci da kuma Arewa maso gabashin Najeriya, amma ta bata daman ta samar da babban ofishinta a babban birnin tarayya Abuja.

Wannan cigaba da aka samu a harkar cinikayyar kasuwanci irin na Musulunci ya kawo adadin bankunan Musulunci a Najeriya zuwa biyu, bayan samuwar bankin Musulunci na Jaiz tun a shekarar 2011.

Idan za’a tun a shekarar 2003 aka fara haihuwar Jaiz a matsayin cibiyar hada hada cinikayya irin na Musulunci da bata ta’ammali da riba, yayin da a shekarar 2011 CBN ta batalasisin fara aiki a iya Arewacin Najeriya, don haka ta zama bankin Musulunci na farko a Najeriya.

Bankin Musulunci na JAIZ bai fara aiki ba sai a ranar 6 ga watan Janairu na shekarar 2012, inda bayan samun karbuwa suka nemi izinin CBN ta basu daman su fadada ayyukansu zuwa sauran sassan Najeriya, wanda a shekarar 2016 CBN ta bata lasisin aiki a dukkanin sassan Najeriya.

Facebook Comments
Continue Reading

Arewa

Yadda ‘yan bindiga 300 suka far wa kauyukan Katsina | BBC Hausa

Published

on

Soldiers
Image caption

Jami’an tsaro sun sha alwashin kawo karshen matsalar tsaro

Rundunar ‘yan sandan jihar ta Katsina, ta ce yan bindiga kimanin 300 ne suka far wa kauyuka uku na Kirtawa da Kinfau da Zamfarawan Madogara da ke yankunan kananan hukumomin Batsari da Safana.

A wata sanarwa, mai magana da yawun rundunar ‘yan sandan, DSP Gambo Isah ya ce hare-haren da aka kai ranar Asabar, sun yi sandiyyar mutuwar mutum 10, inda kuma aka jikkata mutum biyar.

DSP Gambo Isah ya kuma ce ‘yan bindigar sun rika harbin kan mai uwa da wabi inda suka tarwatsa mutanen kauyen.

Sanarwar ta kara da cewa maharan sun cinna wa ababan hawa wuta,bayan sun kora shanun da ba a san adadinsu ba.

Wani wanda harin ya rutsa da shi a kauyen Zamfarawan Madogara ya bayyana wa Sani Aliyu yadda lamarin ya auku.

Yadda aka far wa kauyukanmu

Wannan bawan Allah ya kara da kokawa dangane da yadda ‘yan bindiga ke satar mata a duk lokacin da suka kai hare-hare kauyukan nasu.

Facebook Comments
Continue Reading
Advertisement
Advertisement

Trending

%d bloggers like this: