Sarakunan Gargajiya A Kudu-maso-Yamma Sun Amince Da Tinubu Ya Zarce Wa’adi Na Biyu

Manyan sarakunan gargajiya daga yankin Kudu-maso-Yammacin Najeriya sun bayyana goyon bayansu ga Shugaba Bola Ahmed Tinubu domin ya sake yin wa’adi na biyu a mulki.

Sarakunan sun bayyana matsayarsu ne a ranar Laraba a birnin Ibadan, babban birnin Jihar Oyo, bayan wani taro da suka gudanar a fadar Olubadan na Ibadanland, Oba Rasidi Ladoja.

Jaridar DAILY POST ta ruwaito cewa Alake na Egbaland, Oba Aremu Gbadebo, ne ya sanar da matsayar sarakunan ta hanyar karanta sanarwar haɗin gwiwa a madadinsu.

Sai dai har yanzu ba a fitar da cikakkun bayanai kan dalilan da suka sa sarakunan suka amince da Tinubu ya sake tsayawa takarar shugabancin ƙasar ba.