Gwamnatin Amurka na neman karin bayani game da Huawei Mate 60 Pro, wayar salular kasar Sin da ke amfani da na’urar zamani.
Sabuwar babbar wayar, wacce aka ruwaito ta hada da sabuwar na’ura mai kwakwalwa ta 5G Kirin 9000 da aka kera ta musamman ga kamfanin Huawei na kasar Sin, a baya-bayan nan ta girgiza masana masana’antu wadanda ba su fahimci yadda kamfanin zai samu fasahar yin irin wannan ba, sakamakon kokarin da Amurka ta yi na takura wa kasar Sin damar yin amfani da fasahar cif na kasashen waje.
Mai ba da shawara kan harkokin tsaro na Amurka Jake Sullivan ya fada yayin wani taron manema labarai na fadar White House jiya Talata cewa Amurka na bukatar “karin bayani game da ainihin wayar da abubuwan da ke tattare da ita” don tantance ko bangarori sun keta takunkumin Amurka kan fitar da na’urar karamar kwandakta don ƙirƙirar sabon cif.
A cikin 2019, gwamnati ta haramta wa kamfanonin Amurka sayar da softwaya da kayan aiki ga Huawei tare da hana masu kera na’urori na kasa da kasa da ke amfani da fasahar da Amurka ke yin hadin gwiwa da Huawei.
Gwamnati ta yi tsokaci game da matsalolin tsaron kasa, kamar yuwuwar kai hare-hare ta yanar gizo ko leken asiri daga gwamnatin China.
Haɗin cif na 5G da aka samar zai zama babban ma’auni ga Huawei yayin da yake fama da tasirin takunkumin Amurka kan kasuwancin na’urar sa.
Huawei ba su ba da amsa nan da nan ba da aka buƙaci su yi magana.
