Hakkin mallakar hoto
Getty Images
Barcelona ta bai wa Roma aron Carles Perez, wanda zai buga mata kwallo zuwa karshen kakar da muke ciki.
Dan wasan mai shekara 21, zai je buga gasar Serie A kan yuro miliyan daya da kuma yarjejeniyar sayensa idan ya taka rawar gani kan fam miliyan 11.
Haka kuma cikin kunshin yarjejeniyar har da karuin tsarabe-tsarabe kan kudi fam miliyan 4.5 idan ya saka kwazo a lokacin da yake buga wasannin aro.
Idan Roma ta amince ta dauki dan kwallon, zai saka hannu ne kan yarjejeniyar da za ta kare wato ranar 30 ga watan Yunin 2024.
Perez ya fara buga tamaula a matasan Barcelona wadda ya fara yi wa wasa a watan Mayun 2019.
Dan kwallon ya buga wa Barcelona wasa 11 a bana ya kuma ci kwallo daya a La Liga da wata a Champions League.
