Hakkin mallakar hoto
Getty Images
Manchester United ta fara zaman tattaunawa da Marcus Rashford game da tsawaita yarjejeniyarsa a Manchester United.
Rashford, mai shekara 21, wanda Louis van Gaal ya bai wa dama a United ya taka rawar gani a jagorancin Jose Mourinho ya kuma dora kokarinsa a karkashin Ole Gunnar Solsjaer.
Dan wasan tawagar Ingila ya ci kwallo na 10 a bana a fafatawar da United ta yi nasara a kan Leicester City 1-0 a ranar Lahadi, kuma shi ne na biyu matashi da ya ci kwallo 100 a United, bayan Ryan Giggs.
A kakar badi ne kwantiragin Rashford zai kare a Old Trafford, amma da yarjejeniyar za a iya tsawaita zamansa zuwa karshen kakar 2021.
United wadda ta tsawaita zaman Anthony Martial zuwa kakar 2024, tana tattaunawa da David De Gea domin ya ci gaba da zama a Old Trafford.
