Hukumar NDLEA dake sha da fataucin miyagun kwayoyi ta samu nasarar kama hodar ibilis da kudinta ya kai sama da biliyan 194 a jihar Lagos.
Wannan ne kamen hodar ibilis mafi girma a tarihin hukumar ta NDLEA.
Jami’an hukumar sun kama hodar ne a wani dakin ajiye kayayyaki dake Ikorodu a jihar ta Lagos.
A wata sanarwa da kakakin hukumar Femi Baba Femi ya fitar ya ce hukumar ta shafe shekaru da dama tana bibiyar ayyukan mutanen.
A cikin mutanen da aka kama akwai dan kasar Jamaica daya da kuma yan Najeriya hudu.