Hakkin mallakar hoto
Reuters
AC Milan da Inter Milan sun bayyana shirin da suke yi na gina sabon filin wasa da zai ci ‘yan kallo 60,000, kuma kusa da filin San Siro.
A cikin tsarin da kungiyoyin biyu ke son gudanarwa har da gyaran filin wasa na San Siro.
Sabon filin wasan da suke son gina wa zai ci fam miliyan 576 da zai kai shekara uku kan a kammala ginin.
Haka kuma kungiyoyin na son tuntubar magoya bayansu kan wannan shirin da suka tsara kafin aiwatar da shi.
Shugaban AC Milan Paolo Scaroni ya ce ”AC Milan da Inter Milan na amfani da San Siro sama da shekara 70”.
Kungiyoyin biyu sun zabi gina sabon filin wasa ne maimakon gyara San Siro wanda za su kashe fam miliyan 452, za kuma su yi hasarar kudin shiga fam miliyan 102 a lokacin gyaran.
Haka kuma gyaran San Siro zai dauki shekara shida kan a kammala, sannan wurin zaman ‘yan kallo ba zai kai wanda sabon fili dai dauka ba.
