Wasu da ba a san ko su waye ba da ake zargin masu satar waya ne a ranar Laraba sun caka wa wata ƴar bautar kasa (NYSC) mai suna Chalya Silas wuka har lahira.
Rahotanni sun ce maharan sun sace wayarta kafin su gudu daga wurin.
Jami’in hulda da jama’a na rundunar ‘yan sandan jihar Kaduna, ASP Mansir Hassan, ya tabbatar da faruwar lamarin, inda ya bayyana hakan a sakamakon yunkurin sace wayar da maharan suka yi.
Rundunar ‘yan sandan ta fara farautar wadanda ake zargin domin gurfanar da su a gaban kuliya.
