Connect with us

Hausa

Mahaifiyar Sheikh Aminu Daurawa, Hajiya Sa’adatu Almu, Ta Riga Mu Gidan Gaskiya.

Innalillahi Wa Inna Ilaihir Raju’un

Za’a Yi Jana’izarta A Safiyar Alhamis Din Nan A Makarantar Malam Aminu Daurawa Dake Unguwar ‘Yar Akwa Tudun Fulani Na’ibawa 11:00 Na Safe.

Allah Ya Gafarta Mata Ya Bata Aljannah Madaukakiya.

Facebook Comments
Advertisement
Click to comment

Leave a Reply

Your email address will not be published. Required fields are marked *

Hausa

Dan bindiga ya bude wuta a jirgin kasa

Shooting in Utrecht 18 March 2019

‘Yan sanda masu yaki da ta’addanci a wurin da aka kai harin

Wani dan bindiga ya bude wuta a cikin wani jirgin kasa a birnin Utretch da ke kasar Netherlands

Mutane da yawa sun samu raunuka kuma ana tunanin daya ya mutu a harbin da aka yi da misalin karfe goma da minti arba’in da biyar agogon kasar wato karfe tara da minti arba’in da biyar kenan agogon a kusa da titin Oktoberplein.

‘Yan sanda sun ce dan bindigar ya tsere. An dakatar da ayyukan jiragen kasa kuma an umarci makarantu da su rufe kofofinsu.

‘Yan Sandan da ke yaki da ta’addanci sun bayyana cewa “harin ta’addanci ne”.

Firayim ministan kasar Mark Rutte ya ce ya shiga matsananciyar damuwa kuma ya soke zaman tattaunawarsa da sauran jami’an gwamnati na mako-mako.

Rahotanni sun bayyana cewa jami’an tsaro sun umarci babban asibitin koyarwa na Utrecht da ya bude dukkan dakunan bayar da taimakon gaggawa don kula da wadanda suka samu raunuka.

Wani ganau ya bayyana wa manema labarai cewa “wani mutum ne ya fara harbi ta ko’ina”.

Wani kuma ya bayyana cewa ya ga wata mace da jini a hannuwanta da kayanta.

“Na sanya ta a cikin motata na taimake ta,” ya ce. “Lokacin da ‘yan sanda suka iso wurin, ba ta cikin hayyacinta.”

Babu tabbas kan yawan mutanen da suka yi rauni ko kuma girman raunukan da suka samu.

Facebook Comments
Continue Reading

Hausa

APC ta ki amincewa da matakin INEC kan zaben Bauchi

APC
Hakkin mallakar hoto
APC
Image caption

Jam’iyyar APC mai mulki a Najeriya ta bayyana matakin da hukumar INEC ta dauka kan sakamakon zabuka jihohin Bauchi da Ribas a zaman wanda ya saba wa doka.

A cikin wata sanarwa da ta fitar a yammacin lahadi, jam’iyyar ta ce ta yi fatali da amincewar da hukumar ta yi da sakamakon zaben karamar hukumar Tafawa Balewa.

Shugaban jam’iyyar reshen jihar Bauchi Alhaji Ahmad Uba Nana ya shaidawa BBC cewa hukumar zabe ba ta da hurumin yin amai ta lashe musamman la’akari da cewa maganar da gaban kotu.

Alhaji Uba ya ce ba za su lamunci matsayin INEC ba, domin kowa ya shaida abin da ya faru a karamar hukumar Tafawa Balewa da kura-kuran da aka samu.

Daga cikin dalilan da jam’iyyar ta bayar har da zargin cewa akwai alaka tsakanin wanda hukumar ta tura domin tantance gaskiyar abin da ya faru a yanki wato Festus Okoye da kuma Kakakin majalisar wakilan kasar Yakubu Dogara wanda dan jam’iyyar PDP ne kamar yadda Alhaji Ahmad Uba ke cewa.

To sai dai a bangare guda jam’iyyar PDP wadda ke kan gaba a zaben na jihar Bauchi ta ce matakin hukumar ya yi mata daidai.

Jam’iyyarta bayyana haka ne duk da cewa da farko ta shigar da kara kotu ta na kalubalantar ayyana sakamakon zaben jihar a zaman wanda bai kammala ba da INEC ta yi da farko.

A tattaunawarsa da BBC shugaban jam’iyyar ta PDP a Bauchi Hamza Koshe Akuyam ya ce dama an riga an yi zabe kuma korafin da aka shigar an warwareta.

Hamza Koshe ya ce dama a duk lokacin da za a zalunce ka, kana da damar rugawa wurin alkali ka bi hakkin ka, kuma dama su ba wai sun ki a sake zaben ba ne abin da suke so shi ne INEC ta saurare su.

Ya kuma kara da cewa hukumar zabe ta gane cewa ta yi kuskure shi ne ya sa ta ce a kammala karbar sakamako da bayyana wanda ya yi nasara.

Hamza ya ce ba wai sun goyi bayan hukumar zabe don suna ganin za su iya nasarar ba ne, sai dai kawai suna ganin matakinta shi ne daidai la’akari da cewa ba a samu hatsaniya a mazabar da a baya ake tunanin sake zaben ba.

A gobe Talata INEC ta ce za ta ci gaba da tattara sakamakon zabe na mazabu da rumfunan zabe domin hada sakamakon karamar hukumar Tafawa Balewa a zaben gwamna da na ‘yan majalisar dokoki na jiha.

Facebook Comments
Continue Reading

Hausa

Yadda Jam’iyyu Ke Kokarin Ganin Sun Lashe Zabe A Jihohi Biyar


Wani gangamin siyasa a zaben 2019
Photo: Twitter
Facebook Comments
Continue Reading
Advertisement
Advertisement

Trending

%d bloggers like this: