Shugabar Jam’iyyar Conservative ta Birtaniya, Kemi Badenoch, ta ce matsalolin wutar lantarki da Najeriya ke fama da su sun samo asali ne daga manufofin gwamnati marasa inganci duk da dimbin albarkatun man fetur da iskar gas da ƙasar ke da su.
Badenoch ta bayyana hakan ne yayin wata hira da mujallar The Spectator, inda ta ce yalwar albarkatu ba ta wadatar wajen kawo ci gaba idan ba a tsara manufofin da za su ba da damar amfani da su yadda ya kamata ba.
Ta ce: “My belief that we need to drill our oil and gas comes from growing up in a country… Nigeria is an oil-producing country that has never had electricity.”
Ta kuma ƙara da cewa: “It is very easy to have resources under the ground, but stupid public policy means that you can’t use them.”
Rahotanni sun nuna cewa Najeriya na ci gaba da fuskantar ƙarancin wutar lantarki, yayin da yawan wutar da ake samarwa ke kasancewa tsakanin megawatt dubu uku da ɗari biyar zuwa dubu biyar kacal.
A halin yanzu, Shugaba Bola Ahmed Tinubu ya tabbatar wa ‘yan Najeriya cewa gwamnatinsa za ta ci gaba da ɗaukar matakan magance matsalolin da ke addabar bangaren wutar lantarki.
Kemi Badenoch Ta Dangaanta Matsalar Wutar Najeriya Da Manufofi Marasa Kan Gado
