Hakkin mallakar hoto
Getty Images
Shahararren dan wasan Chelsea Eden Hazard ya yi hannunka mai sanda game da barin kungiyar bayan ya ci kwallo biyu a wasan karshe na Europa da suka casa Arsenal da ci 4-1.
An jima ana alakanta dan wasan da koma wa Real Madrid, kuma jim kadan bayan tashi daga wasan ya ce:
“Ina ganin na yi bai-bai ga magoya bayan Chelsea amma ka san a harkar kwallo komai ka iya faruwa. Ya kara da cewa “yana jiran kungiyoyin biyu” su daidaita, kamar yadda ya shaida wa BT Sport.
Bayern Munich
Bayern Munich ta kai tayin fan miliyan 80 domin daukar dan wasan gaban Juventus Paulo Dybala, kamar yadda jaridar Corriere dello Sport ce ta ruwaito.
Manchester United
Ashley Young kaftin din Man United mai shekara 33 ka iya hadewa da tsohon abokin wasansa a Wayne Rooney a kulob din DC United da ke Amurka, in ji Manchester Evening News.
An sanar da dan wasan gaban Man United Romelu Lukaku cewa zai iya barin kungiyar zuwa Inter Milan, a cewar jaridar Sun.
Paris St-Germain
PSG tana tattaunawa da Barcelona domin dauko dan wasa Ousmane Dembele mai shekara 22 a matsayin musaya tsakaninsa da Neymar, in ji rahoton RAC1 Sport.
Real Madrid
Dan wasan baya mai buga bangaren hagu a kungiyar Lyon kuma dan kasar Faransa Ferland Mendy, mai shekara 23, zai koma Real Madrid da taka leda, a cewar rahoton jaridar AS .
