Connect with us

Hausa

Gwamnatin Najeriya za ta haramta kungiyar Shi’a ta IMN

Published

on

Zakzaky
Image caption

Sheikh El-zakzaky ya ce ba zai fasa abin da yake yi ba

Gwamnatin Najeriya ta samu takardar hukuncin wata babbar kotu a Abuja da ke bayyana ayyukan kungiyar ‘yan Shi’a ta Islamic Movement In Nigeria da na ‘ta’addanci kuma haramtattu’.

Jaridar Punch Newspaper ce da ta ce ta samu damar ganin wannan takarda ce ta samu ganin wannan takardar inda ta ce ofishin ministan Shari’ar kasar ne ya nemi hukuncin a ranar Juma’a.

Takardar ta ce kotun da mai shari’a Nkeonye Maha ta jagoranci zamanta ta yanke cewa “Daga yanzu ba bu wani dalilin da zai sa a amince wa wasu mutane ko gungun mutane ba yin kira kansu da suna ‘yan Shi’a.”

Takardar ta kara da cewa kotun ta bayar da umarnin ne bayan da ta samu ‘takardar bukatar’ haramta kungiyar daga gwamnatin tarayya.

“Domin tabbatar da an haramata kungiyar, kotun ta umarci ministan Shari’a da ya bayyana hukuncin haramta kungiyar a kundin gwamnati da kuma manyan jaridun Najeriya guda biyu.” In ji takardar.

Ci gaba da zanga-zangar da ‘ya’yan kungiyar ke yi na neman a saki jagoransu da ke tsare a hannun gwamnati tun 2015, a Abuja da sauran sassan kasar na ci gaba da janyo asarar rayuka.

Ko a makon da ya gabata sai da ‘yan sanda suka ‘kashe’ ‘yan kungiyar 11 a Abuja a irin wannan zanga-zanga, inda su kuma ‘yan sanda suka yi zargin ‘yan kungiyar sun kashe babban jami’n ‘yan sanda.

Ana sa ran cewa fadar gwamnati ko kuma ma’aikatar Shari’a ce za ta sanar da wannan hukuncin na ‘haramta’ ayyukan kungiyar ta IMN.

Idan har ‘haramcin ya faru’, to IMN za ta zama kungiya ta biyu bayan IPOB da Shugaba Muhammadu Buhari ya haramta a mulkinsa.

A shekarar 2017 ne gwamnatin Buhari ya haramta ayyukan kungiyar masu fafutukar neman ballewar yankin kudu maso gabas na Najeriya daga kasar wato IPOB.

To sai dai kungiyar IMN na da hurumin daukaka kara kasancewar ba su da wakilici lokacin da aka fitar da wannan hukunci.

Sharhi, Usman Minjibir

Wannan takarda dai na zuwa ne a ranar da tsohon ministan Shari’ar kasar, Abubakar Malami ya bayyana gaban majalisar dokokin kasar domin a sake tantance a matsayin minista a gwamnatin Buhari.

An tambayi tsohon ministan na shari’a dalilin da ya sa ya ki amincewa a saki tsohon mai bai wa shugaban kasa shawara kan tsaro Sambo Dasuki da kuma jagoran ‘yan Shi’a a Najeriya Malam Ibrahim Zakzaky duk da kotu ta bayar da belinsu, sai ya ce hakkin ofishinsa ne ya kare hakkin ‘yan Najeriya ba na wani mutum daya ba.

Ya ce Kundin mulki na Najeriya sashi na 174, ya bayyana cewa hakkin ofishin ministan shari’a ne shi bada kariya da kuma shawara kan hakkin al’umma.

“Dole minista ya kula da hakkin ‘yan kasa ba hakkin mutum daya tilo ba,” in ji shi.

Ana dai zargin gwamnatin Najeriya da kin mutunta hukuncin wasu kotuna da suka bayar da belin Sambo Dasuki da kuma Malam Zakzaky.

Amma Malami ya ce idan mutum daya ko biyo ko uku suka yi kokarin tayar da hankalin ‘yan kasa wajibi ne a yi maganinsu ta hanyar daukar mataki na shari’a.

Hakkin mallakar hoto
Getty Images

Har wa yau, ita wannan takarda da jaridar Punch Newspaper ce da ta ce ta samu damar ganin wannan takarda ta buga na zuwa ne kwana uku kafin sake bayyanar shugaban kungiyar ta IMN, Sheikh Ibrahim Elzakzaky a kotu da ke zama a jihar Kaduna.

El-zakzaky da mai dakinsa dai na neman samun beli domin fita kasar waje neman lafiya kasancewar suna cikin ‘matsanancin’ hali na rashin lafiya.

Kotun dai ce ta dage sauraren bukatar neman belin a zamanta na ranar 18 ga watan Yuli har zuwa 29 ga watan na Yuli.

Tana iya yiwuwa gwamnati ta nemi a ‘haramta’ kungiyar ne domin yin amfani da hakan a gaban kotu.

Watakila kuma an samu hukuncin ‘haramta’ ayyukan kungiyar domin yin kandagarki na abin da zai je ya zo a ranar Litinin din, ranar da ake sa ran kotun ta Kaduna za ta yanke wannan hukunci.

Facebook Comments
Advertisement
Click to comment

Leave a Reply

Your email address will not be published. Required fields are marked *

Hausa

Kamfanoni Guda 4 Sun Fara Samar Da Madara A Najeriya

Published

on

Duk a cikin manufar babban bankin Najeriya wato CBN na hana shigo da madara daga waje, wasu kamfanonin kasar guda hudu sun soma sarrafa madara yar gida.

Gwamnan CBN Godwin Emefiele wanda ya bayyana hakan a Abuja a ranar Alhamis, 19 ga watan Satumba, ya bayar da sunayen kamfanonin.

KamfaNonin sune FrieslandCampina WAMCO, Neon Agro, Chi Limited da Irish Dairy. Yace sun rigada sun nuna ra’ayin zuba jari a kamfanin Bobi Grazing Reserve a jihar Neja.

Bobi Grazing Reserve dake a yankin karamar hukumar Mariga ya kasance daga cikin masana’antun kiwo 26 karkashin wani shirin bunkasa harkar kiwo da gwamnatin jihar Neja ke yi tare da hadin gwiwar CBN.

A halin yanzu gwamnan CBN yace FrieslandCampina WAMCO da Neon Agro sun amince da kowannen su zai siya fili mai fadin hekta 10,000, sannan Chi Limited da Irish Dairy zasu siya hekta 4,000 kowannen su don kafa shirin sarrafa madara.

Gwamnatin jihar zata ajiye sauran hekta 3,000 don gudanar da shirin cigabanta.

A ranar Talata, 18 ga watan Satumba, Mista Emefiele yace kamfanin FrieslandCampina WAMCO ta gyara fili hekta 695 sannan anyi shuke shuke a hekta 190 don shirin kiwo.

Har ila yau, kamfanin ta kammala shuke shuken iri masu inganci, famfunan solar yayin da ake jiran hada kayan aikin tatse madara.

A wani lamari makamancin haka, yace Chi Limited har ila yau ta sa hannu a kwangilan shuke shuken fili hekta 4,000 da aka samar mata.

Yace Gwamnatin Jihar Neja ta gyara da kuma katange hekta 63 a wurare biyu.

Yace wurin zai kasance da cibiyar yan sanda, asibitin dabbobi, makarantar firamare, yayinda ake shiri gina cibiyar lafiya. hakazalika a yazu aa kan shuke-shuke.

Facebook Comments
Continue Reading

Hausa

NFF da kulob din Roma sun kulla yarjejeniya | BBC Hausa

Published

on

Shugabannin NFF (Amaju Pinnickda) da AS Roma (Jim Pallottane) ne da mataimakansu a wurin taron kulla yar

Hakkin mallakar hoto
NFF

Image caption

Shugabannin NFF (Amaju Pinnickda) da AS Roma (Jim Pallottane) ne da mataimakansu suka halarci taron

Hukumar Kwallon Kafa Ta Najeriya NFF ta kulla yarjejeniyar aiki tare da kungiyar kwallon kafa ta AS Roma mai buga gasar Serie A ta Italiya.

Bisa ka’idojin yarjejeniyar, Roma da Hukumar Kwallon Kafa Ta Najeriya za su rika gudanar da harkokin da suka shafi wasanni a ciki da wajen fili, kamar yadda bangarorin biyu suka bayyana ranar Juma’a.

Bangarorin biyu za su rika taimaka wa juna wajen ci gaban harkokin wasanni da suka hada da shawarwari game da horar da matasan ‘yan wasa daga Najeriya da kuma koyar da kulob-kulob a Najeriya yadda za su rika tafiyar da shafukansu na sada zumunta.

Ita kuma NFF za ta taimaka wa Roma wajen gina nata harkokin a Najeriya.

Kazalika, a watanni masu zuwa jami’an hukumar ta NFF za su yi tattaki zuwa birnin Rome domin ganin yadda kungiyar matasa ta Roma ke gudanar da wasanninsu.

Hakan zai ba su dama wurin gina matasa da kuma kungiyoyinsu a harkar wasanni a gida Najeriya.

Shugaban kungiyar ta Roma Jim Pallotta ya ce tun a 2018 suka fara aiki da Super Eagles yayin gasar cin Kofin Duniya a kasar Rasha.

“Rukunin ma’aikatanmu sun fara aiki tare da Super Eagles a 2018 a shafukan sada zumunta da kuma lokacin gasar Kofin kasashen Afirka, wanda aka fara da maudu’in #ForzaSuperEagles.

“Mu ne kungiya ta farko daga wajen Najeriya da ta bude shafin Twitter cikin harshen Pidgin mai shelkwata a Lagos.”

Kungiyar za ta duba yiwuwar buga wasan bude ido a Najeriya tare da bude makarantar horar da wasanni.

Facebook Comments
Continue Reading

Arewa

Najeriya ta rufe ofishin kungiyar Action Aid kan Boko Haram | BBC Hausa

Published

on

Aid bags

Hakkin mallakar hoto
Getty Images

Rundunar sojin Najeriya ta dakatar da ayyukan kungiyar agaji ta kasa da kasa, Action Aid mai yaki da talauci bisa zargin kungiyar da hannu wajen samar wa Boko Haram abinci da magunguna.

Rundunar ta ce ta gargadi kungiyar agajin kan agazawa Boko Haram a yankin arewa maso gabashin kasar.

Action Against wacce ta musanta zarge-zargen, ta ce taimakon take samar wa mutanen da rikici ya shafa na fuskantar kalubale.

Rikicin kungiyar ‘yan-tada-kayar-bayan da aka shafe shekara 10 ana yi ya halaka mutane sama da 30,000.

Fiye da mutum miliyan biyu kuma sun rasa matsugunansu.

Wata gamayyar kungiyoyin farar hula na taimakawa gwamnati wajen agazawa mutanen da aka tilastawa barin gidajensu.

A shekarar 2018, rundunar sojin kasar ta taba zargi hukumar kula da kananan yara ta MDD, UNICEF da zama ‘yar leken asirin masu tada-kayar-baya, abin da ya sa ta haramta kungiyar wacce a nata bangaren ta musanta zarge-zargen.

Sai dai daga baya, gwamnatin ta janye haramcin.

Cikin wata sanarwa, Action Aid ta ce tana samar da taimako ne ba tare da wata manufa ta daban ba ga miliyoyin mutane a jihar Borno ta hanyar samar masu da kayayyakin agaji ga mutanen da rikici ya fi shafa musamman mata da yara kanana.

Kungiyar ta ce sojoji, ba tare da wata sanarwa ba, sun bukaci ta rufe ofishinta da ke birnin Maiduguri a jihar Borno.

Cikin watan Yuli, Action Aid wacce ke da mazauni a Paris ta ce ma’aikatan ta masu ba da ceto sun shiga hannun masu garkuwa a Najeriya.

An ga ma’aikatan shida cikin wani bidiyo, inda daya daga cikinsu take kira ga gwamnatin kasar da al’ummar kasar waje da su sa baki a kubutar da su.

Kawo yanzu, babu wanda ya san inda ma’aikatan suke.

Babu kuma wata kungiya da ta fito ta ce ita ce ta sace ma’aikatan.

A shekarar 2015, Boko Haram ta kwace iko da kaso mai tsoka na Borno abin da ya ba ta damar fadada ayyukanta zuwa makwabtan kasashe.

Yakin kawo karshen masu tada-kayar-baya da sojoji suka kaddamar ya sa gwamnati kwato mafi yawan yankunan da suka fada hannun Boko Haram.

Sai dai a baya bayannan, masu tada tarzomar sun fadada kai harin kunar bakin wake da sace-sacen jama’a domin cimma muradunsu.

Daya daga cikin hare-hare mafi muni da ta kai shi ne kan makarantar ‘yan mata ta Chibok da ke arewa maso gabashin kasar lokacin da aka yi garkuwa da dalibai ‘yan mata 276.

Da yawa daga cikinsu sun kubuta, amma dai har yanzu ba a kai ga gano inda wasu 100 suke ba.

Rahotanni na cewa tun daga 2013, Boko Haram ta sace mutane fiye da 1,000.

Facebook Comments
Continue Reading
Advertisement
Advertisement

Trending

%d bloggers like this: