Gwamnan Jihar Bauchi, Mohammed A. Abubakar, ya kaddamar da rabon na’urar samar da wutan lantarki na (Transformer) har sama da sittin, mai karfin kba 500 ga kananan hukumomin jihar guda 20.
An kaddamar da rabon ne a sakateriyar gwamnatin jihar Bauchi.
Gwamna M.A ya shaidawa Shugabannin kananan hukumomin jihar Bauchi cewa alhakin sayan na’urar samar da wutar lantarki ba yana kan gwamnati bane, ya yi hakan ne domin cire talakawan jihar daga matsalolin wutar lantarki da suke fama da shi.
Gwamnan ya kuma ja kunnen shugabannin kananan hukumomin da su kula da na’urorin dan gudun barnatawar.
Shugaban kungiyar shugabannin kananan hukumomi na jihar Bauchi (ALGON) Shugaban karamar hukumar Katagum ya yi godiya ga Gwamna M.A kan irin wannan kulawa da talakawa da gwamnatinsa me yi, ya sha alwashin kulawa da wadannan na’urar da gwamnatin ta samar musu da shi. Ya ce za su tabbatar da cewa jama’ar su sun amfana da na’urar ta inda ya da ce.
Mai tallafawa gwamnan jihar Bauchi kan Sadarwa, Shamsuddeen Lukman Abubakar, ya bayyana cewa
kowace karamar hukuma za ta samu nauran bada wutar guda uku ne cikin dukkanin kananan hukumomin jihar Bauchi..
