Gwamnan jihar Bayelsa , Douye Diri ya amince da cire , mai martaba Wilcox Job Seiyefa basaraken gargajiya dake shugabantar al’ummar Swali daga mukaminsa na sarkin Ebeniken kan rashin tsaro da ake samu a masarautarsa.
A cikin watan Mayun shekarar da ta gabata ne gwamnan ya dakatar da basaraken kan zargin da ake yi masa cewa É—ansa na da hannu a tashin hankalin da ake samu a garin Swali.
Swali yanki ne dake dauke da muhimman ofisoshin gwamnatin tarayya da na jiha inda ake yawan samun rikicin ƴan ƙungiyar asiri kafin gwamnatin jihar ta sanya kafar wando ɗaya da masu tayar da rikicin.
Gwamna Diri wanda ya sanar da sauke basaraken gargajiya ta baki maganin mataimakinsa, Dr Peter Akpe a wurin wani taron masu ruwa da tsaki na Swali da aka gudanar a gidan gwamnatin.
Akpe ya bayyana cewa an cire sarkin sakamakon shawarar da kwamitin binciken da aka kafa kan rikicin ya bayar.
