Kamfanin MRS da ke samun goyon bayan matatar Dangote ya rage farashin man fetur zuwa naira 1318 a kowace lita a gidajen mansa da ke Abuja, matakin da ya sa farashin ya yi ƙasa da na sauran manyan masu sayar da mai.
Rahotanni sun nuna cewa an saukar da farashin ne daga naira 1360 zuwa sabon farashi na 1318 a dukkan tashoshin MRS.
Wannan sabon farashi ya sa MRS ke sayar da fetur cikin rahusa fiye da kamfanoni irin su NNPCL, NIPCO da AA Rano, inda bambancin ya kai tsakanin naira goma sha biyu zuwa naira talatin da biyu a Abuja.
Wani manajan gidan man MRS da ya nemi a sakaya sunansa ya bayyana cewa rage farashin ya biyo bayan samun man kai-tsaye daga Matatar Dangote.
Farashin Fetur Ya Sauka A Gidajen Man MRS Zuwa Naira 1318
