Hukumar EFCC dake yaki da masu yi wa tattalin arzikin kasa ta’annati ta kama tsohon gwamnan jihar Anambra, Willie Obiano a filin jirgin saman Murtala Muhammad dake Lagos.
An kama Obiano ne akan hanyarsa ta zuwa birnin Houston na jihar Texas dake Amurka.
A yaune dai Obiano ya sauka daga kan kujerar mulkin gwamnan jihar inda Farfesa Charles Soludo ya gaje shi.
A watan Nuwamba ne hukumar EFCC ta sanar da cewa ta saka Obiano cikin jerin mutanen da take sanya musu idanu.
