An saki Zainab Sadiq, ‘yar jarida kuma mai taimaka wa ɗan takarar shugaban ƙasa na jam’iyyar African Action Congress (AAC), Omoyele Sowore, a harkokin yaɗa labarai, daga tsarewar Hukumar Tsaron Farin Kaya (DSS).
Sowore ne ya sanar da hakan a shafinsa na X a daren Juma’a. Ya ce an samu sakinta ne sakamakon matsin lamba da kuma ƙoƙarin ‘yan Najeriya a gida da ƙasashen waje.
A baya, DSS ta tabbatar da tsare Zainab Sadiq.
Da yake martani bayan sakinta, Sowore ya gode wa duk wadanda suka nuna goyon baya tare da neman a yi mata adalci. Ya ce haɗin kan masu kishin gaskiya na iya kawo ƙarshen zalunci.
An Saki Mai Taimaka Wa Sowore A Harkokin Yaɗa Labarai Daga Hannun DSS
