Ranar Lahadi AC Milan ta yi nasarar doke Sassoulo da ci 2-1 a wasan mako na 13 a gasar Serie A da suka fafata.
Milan ta fara cin kwallo ce ta hannun Rafael Leao, kuma ita ce wadda aka zura a kankannin lokaci a tarihin gasar Serie A ta Italiya.
Dan wasan tawagar Portugal, mai shekara 21, ya zura kwallo a ragar Sassaoulo ne a dakika shida da fara tamaula.
Kwallon da Leon ya ci a ranar Lahadi ya kawo karshen tarihin da Paolo Poggi ya kafa a wasan da ya ci Fiorentina a dakika 8.9 ranar 2 ga watan Disambar 2001.
Dan wasan tawagar Belgium, Alexis Saelemaekers ne ya ci wa Milan na biyu, inda Domenico Berardi ya zare kwallo daya daga cikin wadanda aka ci Sassuolo.
Da wannan sakamakon Milan ta ci gaba da zama ta daya a kan teburi da tazarar maki daya tsakaninta da Inter Milan wadda ta doke Spezia 2-1.
Kwallon da Leao ya zura a raga ranar Lahadi tana kan gaba a Premier League da Shane Long na Southampton ya ci Watford a dakika 7.69 ranar 23 ga watan Afirilun 2019.