Danielle Adewusi ta zama sarauniyar kyau ta Najeriya

Danielle Adewusi, wadda ta wakilci jihar Lagos, ta lashe gasar Sarauniyar Kyau ta Najeriya 2026, inda ta doke sauran ’yan takara 19 a zagayen ƙarshe na gasar.

An gudanar da taron a ranar Lahadi a Dakin Taro na  Balmoral  dake otal din Federal Palace a  Victoria Island, Lagos, bayan shafe makonni ana gudanar sauran fanni kan gasar da su ka haɗa da, ayyukan wayar da kan jama’a, nuna baiwa da wasanni iri-iri.

Guy Murray-Bruce, shugaban  rukunin Silverbird Group kuma daraktan ƙasa na Miss Universe Nigeria, ne ya sanya kambu a kan Adewusi. 

Masu shirya gasar sun bayyana cewa Adewusi ta burge alkalai da kwarin gwiwa, basira, kyan hali, da jajircewarta wajen kawo tasiri ga al’umma. 

Masu shiga gasar su kai matakin goman  ƙarshe sun haɗa da: Danielle Adewusi (Lagos), Anita Osikhena (Edo), Myya Jones (Cross River), Melissa Toghanro (Delta), Oluwafunmibi Ajaja (Ekiti), Benedicta Iferike (Abuja), Chidinma Oluku (Abia), Precious Chinah (Rivers), Eno Idungafa (Akwa Ibom), da Edidiong Udoidua (Ebonyi).