Ƴan Bindiga Sun Nemi Naira Miliyan 30 Kan Malaman Addinin Da Suka Sace A Hanyar Dawowa Daga Yi Wa Tinubu Addu’a A Zamfara

Wasu ’yan bindiga sun bukaci a biya su kudin fansa naira miliyan 30 domin sakin malaman addinin Musulunci shida da aka yi garkuwa da su a Jihar Zamfara.

Rahotanni sun ce an yi garkuwa da malaman ne bayan sun halarci wata addu’a ta musamman da aka shirya domin Shugaba Bola Ahmed Tinubu da jam’iyyar All Progressives Congress (APC).

Wani mai rahoton rikice-rikice, D English Alhaji, ne ya bayyana hakan a wani sako da ya wallafa a Facebook ranar Talata.

A cewarsa, malaman shida sun halarci addu’ar da Daraktan Janar na yakin neman zaben APC, Sanata Abdulaziz Yari, wanda ke wakiltar Zamfara ta Yamma a Majalisar Dattawa, ya shirya.

Ya ce ’yan bindigar sun bukaci naira miliyan 30 a matsayin kudin fansar malaman.