An sanar da cewa za a gudanar da jana’izar tsohon jagoran Iran, Ayatollah Ali Khamenei, a farkon watan Yulin shekarar 2026, watanni uku bayan rasuwarsa sakamakon hare-haren da aka ce Amurka da Isra’ila sun kai masa.
A wata sanarwa da ofishin wallafa ayyukansa ya fitar, an bayyana cewa za a fara gudanar da jana’izarsa a Tehran daga ranar 4 ga Yuli, kafin a binne shi a ranar 8 ga watan a harabar Masallacin Imam Reza da ke birnin Mashhad.
Sanarwar ta kuma ce za a yi jana’izar wasu daga cikin ’yan uwansa da suka mutu tare da shi a hare-haren a biranen Tehran, Qom da Mashhad.
Jami’ai sun bayyana cewa ana sa ran miliyoyin mutane za su halarci taron jana’izar, yayin da gwamnati ta tsara wasu shirye-shirye na musamman da suka haɗa da gangamin jama’a na tsawon kwanaki uku.
Za A Binne Tsohon Jagoran Iran Ali Khamenei A Watan Yuli
