Wasu ‘yan bindiga sun kai hari tare da kashe mataimakin shugaban jami’ar Usmanu Danfodiyo da ke Sakkwato, Farfesa Yusuf Sa’idu.
Jami’ar wadda ta bayyana rasuwar Saidu a wata ‘yar gajeriyar sanarwa da ta fitar a shafinta na Facebook a ranar Litinin, ta ce ‘yan ta’adda sun kai wa marigayin hari tare da kashe shi a kan hanyarsa ta zuwa Kaduna daga jihar Sakkwato.
Sanarwar ta ce, “Farfesa Yusuf Sa’idu, mataimakin shugaban jami’ar bincike da ci gaba na Jami’ar Usmanu Danfodiyo Sokoto ya rasu a halin yanzu.
“’Yan bindiga sun kai masa hari tare da kashe shi a kan hanyarsa ta zuwa Kaduna daga Jihar Sakkwato.”
Ƴanbindiga sun kashe mataimakin shugaban jami’ar UDUS
