Asalin hoton, Getty Images
Real Madrid za ta kara fuskantar Alcoyano a karawar kungiyoyi 32 a Copa del Rey, bayan da aka raba jadawali.
Karo biye kenan a jere da aka hada kungiyoyin don karawa a kofin da Real za ta fara ziyartar Estadio El Collao don buga wasan farko.
A janairun shekarar nan Real Madrid karkashin Zinedine Zidane ta yi nasara da ci 2-1 a karin lokaci dun da an cire mata dan wasa daya a karawar.
Alcoyano mai buga gasa ta uku a Sifaniya ta kawo wannan matakin kungiyoyi 32 da za su ci gaba da gasar, bayan da ta yi nasara a kan Levante a bugun fenariti.
Barcelona mai rike da Copa del Rey itama za ta fuskanci kungiya ta uku a gasar Sifaniya da za ta ziyarci Linares Deportivo, yayin da Atletico Madrid za ta buga wasan hamayya da Rayo Majadahonda.
Sevilla, wadda take ta shida a kan teburin bana za ta ziyarci mai rike da Copa del Rey shida, Real Zaragoza, wadda ke buga karamar gasa ta biyu wato Segunda, bayan da ta fado daga La Liga a 2012-13.
Za a fara wasannin farko a tsakiyar mako tsakanin 4 zuwa 6 ga watan Janairun 2022.
Jadawalin Copa del Rey da aka yi ranar Juma’a:
- Atletico Mancha da Real Athletic CLub
- Rayo Majadahon da da Atletico Madrid
- Alcoyano da Real Madrid
- Linares da Barcelona
- Atletico Baleares da Celta Vigo
- Real Valladolid da Real Betis
- Almeria da Elche
- Mirandes da Rayo Vallecano
- Cartagena da Valencia
- Sporting Gijon da Villarreal
- Eibar da Real Mallorca
- Fuenlabrada da Cadiz
- Leganes da Real Sociedad
- Girona da Osasuna
- Zaragoza da Sevilla
- Ponferradina da Espanyol