Daliban Jami’ar Tarayya Lafia (Fulafia) sun fito kan tituna suna nuna rashin amincewa da ci gaba da yin garkuwa da ’yan’uwan da ake yi.
Idan ba a manta na, masu garkuwa da mutane sun kaddamar da wani hari a wani wurin da ke kusa da harabar Gandu, da ke kusa da Fulafia, kuma har yanzu ba a tantance adadin daliban da aka yi awon-gaba da su ba.
Lamarin ya faru ne a ranar Laraba.
Majiyoyi sun bayyana cewa masu garkuwa da mutanen sun afka wa gidan da ke wajen harabar makaranta, inda suka kama wasu daliba.
Da suke nuna bacin ransu da damuwarsu kan rashin tsaro da ke kara ta’azzara, daliban Fulafia sun fito kan tituna a ranar Alhamis, suna rike da alluna masu dauke da rubuce-rubuce daban-daban kamar, ‘Student Lives Matter’, da sauransu, da kuma nemam sakin takwarorinsu da aka yi garkuwa da su ba tare da wani sharadi ba, wadanda a halin yanzu ba a san inda suke ba.
