Kimanin watanni takwas ke nan da masu garkuwa da mutane suka kai hari Estate Grow Homes, kusa da Kuchibiyi a Unguwar Kubwa a babban birnin tarayya Abuja, suka yi awon gaba da mutane akalla tara.
Yanzu ma sun sake dawow ranar Alhamis da daddare suka kama mutane uku.
Wadanda abin ya shafa – ma’aurata da wani mutum, an yi garkuwa da su ne daga wasu gidaje guda biyu a cikin unguwar.
Alamu sun nuna azauna yankin suna cikin fargaba.
Rahotanni sun nuna cewa ‘yan bindigar, sun tsere ne ta hanyar daji.
Wata majiyar tsaro a gidan da ta dage a sakaya sunanta saboda ba shi da izinin yin magana da manema labarai ta ce bayan da suka kai farmaki yankin da misalin karfe tara na dare, ‘yan bindigar sun yi harbin iska don tsorata mutane.
Hat yanzu dai ƴan bindiga da masu garkuwa da mutane suna cin karensu ba banbbaka a yankunan arewacin Najeriya.
