Yan bindiga da suka kai hari kan jirgin kasar da ya taso daga Abuja zuwa Kaduna sun sako shugaban Bankin Manoma, Alwan Hassan.
Maharan sun sako shi ne bayan da ya shafe kwanaki 9 a hannunsu.
A cikin wani fefan bidiyo da suka fitar yan bindigar sun ce sun sake shi ne bayan da suka yi la’akari da cewa dattijo ne shi da yake bukatar a tausaya masa.
Shi ma da yake jawabi, Hassan ya ce ba a biya kudi ba kafin a sako shi kana ya roki gwamnati kan tayi duk mai yiyuwa wajen kubutar da sauran mutane dake hannun yan bindigar.
