Yadda za ku kare kanku daga masu nuna wariyar launin fata | BBC NEWS

Hakkin mallakar hoto
Getty Images

Kudin goro da kuma ta tsuniyoyin da ake yadawa kan wariyar launin fata sun cika ko ina, amma hakan baya nufin sun inganta. Sai dai masu nuna wariyar a lokuta da yawa ba sa nuna hakan karara.

A wurin wasu mutanen masu kyakkyawar niyya, abin da suka gani da kuma abin da yake a tarihi yana bar wa al’umma wani tunani mara kyau.

Misali: Tunanin da ake yadawa cewa ɗaliban da suka fito daga gabashin Asiya sun kware a wajen lissafi, bakaken fata su ma halitta ne, ko kuma a ce Yahudawa sun fi dacewa da kudi. Da yawanmu mun san masu irin wannan tunanin.

Dakta Adam Rutherford wani masanin salsalar ‘yan adam ne kuma mai gabatar da shiri, ya ce, ”Ana matukar nuna wariyar launin fata a fili a wannan zamanin sama da a baya, kuma aikinmu ne mu fadi gaskiya.”

Don haka zai ba mu wasu hujjoji na kimiyya da za su fayyace gaskiya da karya.

Ga wasu hanyoyin biyar da za ka iya rarrabe karya da gaskiya a kimiyyance.

Tatsuniya 1 : Kwayoyin halittar fararen mutane da bakake ba iri daya ba ne

Asalin nau’in fatar dan adam mai duhu ce. Wadda take bamu kariya daga zafin rana.

Ita ce take karbar zafin ranar da zai iya cutarwa kafin ya lalata sinadarin Folate, daya daga cikin manyan sinadaran Vitamins da jikinmu ke da shi.

Da yawan tsatson da ke samar da gadon ‘ya’ya yana dauke da launin baki. Bambancin halittar da ke cikin tsatson halittar dan adam shi ne ke zama zuwa launin fatar mutane.

Don haka, babban bambancin da ke tsakanin tsarin halittar ‘yan adam na launin fata tsakani farare da bakake daidai ne? Kuskure ne.

Na farko, dukkan ‘yan adam na da kwayoyin halitta iri daya ne – hujjar da ta yi watsi da dukkan abin da muke faɗa game da asalin ‘yan Afrika.

Na biyu, Akwai bambancin tsatso na halitta a nahiyar Afrika mai yawa sama da na sauran nahiyoyin duniya in aka haɗa duka.

Za a fi samun bambancin kwayoyin halitta kan mutum biyu a Kudancin Afrika, za a fi samun bambanci wajen kwayoyin halittarsu idan aka kwatanta da mutum daga Sri Lanka da Maori da kuma Rasha.

Muna iya banbanta mutane mu ce fari da baki da kuma ruwan kasa amma wadannan launukan da muke gani ba sa nufin bambanci a kwayoyin halittarsu – sai dai ma kamanceceniya – tsakaninsu.

Tatsuniya 2: Babu wani abu mai kama da fifikon halitta

Muna tunanin wasu yankunan, ƙasashe ko kuma mutanen da ake killacewa – ko dai a zahiri ko kuma a al’adance – kuma wadannan iyakokin na da mahimmanci wajen shawo kan wadannan matsaloli.

Amma wadannan ba sa cikin abin da tarihi ya bari ko kuma abin da tsatso na halitta shi ma yake bayani akai. Kuma babu wata kasa da ke ta wannan adadi a kasa.

“Mutane sun yi yawon duniya a tarihi, kuma suna jima’i a kowanne lokaci a duk inda suka samu dama,” in ji Dakta Rutherford.

A wasu lokutan wannan wani babban mataki ne a wani dan kankanin lokaci.

Abin da ya fi zama ruwan dare, mutane yawanci na mai da hankali kan kididdiga sama da tsatson dangi – wanda hakan zai iya zama kamar wani asali na yankin ko kuma al’adarsu.

“Kuma duk wani dan Nazi na da alaka da Yahudawa a kakaninsa, in ji Dakta Rutherford, “Duk wani farar fata na da kakanni a Gabas Ta Tsakiya. Duk mai nuna wariyar launin fata na da alaka da Afrika ko Indiya ko gabashin Asiya.”

Tatsuniya 3: Jamus ta Jamusawa ce, Turkiyya ta Turkawa ce da dai sauran bambance-bambance

Wasu mutanen sun fuskanci damuwa kan ‘yan gudun hijirar da ‘yan ci rani da ke shiga kasarsu, wannan wani al’amari ne da kusan ake fuskanta a wurare da yawa a fadin duniya.

Cikin misalan bayan nan, wani harbin bindigar kan mai uwa da wabi da aka yi a wajen wani shan tabar shisha a Hanau, Jamus, wata hujja ce da masu fafutuka kan kora ko kuma kashe ‘yan ci rani.

Wadanda ke da rajin korar ‘yan ci rani sun ta nuna bacin rai ta hanyar yada kalamai irinsu: Jamus ta Jamusawa ce, Faransa ta Faransawa ce, Turkiyya ta Turkawa ce, Italiya ta Italayiwa ce, an yi ta amfani da su don nuna kin jinin ‘yan ci rani.

“Ku koma in da kuka fito” wani kalamin wariya da ya game duniya.

Tatsuniya ta 4: Gwajin kwayoyin halitta kan tabbatar da cewa mutum fari ne 100 bisa 100

Masana ilimin salsala da kakanin suna ba mu mamaki – sai kuma masu nuna wariya a takaice.

Shafukan intanet irin su Stormfront masu rajin kare fararen mutane ne ke kula da su, suna amfani da kwayoyin gwajin dan adam da suke samu daga kakaninsu a matsayin shaida cewa su jinin Yahudawa ne 100 bisa 100.

Kwayoyin halitta na da matukar amfani wajen bibiyar tarihin zuri’a – kuma suna taimakawa wajen gano wani dan uwa da ya bata ko kuma mahaifi.

5. Bakaken mutane sun fi juriyar gudu sama da farare

Mutum na karshe da ya yi takarar mita 100 a wasan karshe a gasar Olympics ya yi ta ne a 1980.

Tun daga nan, bakake ne suka mamaye wannan gudun. Wannan ya kara rura wutar tunanin cewa bakaken Afrika suna cinye wannan gasar ne saboda tsatson kwayoyin halittar da suka gada daga kakanninsu.