Uwargidan shugaban kasa, Oluremi Tinubu, ta bayar da gudummawar buhunan shinkafa 25kg ga gidaje 2,400 a jihar Bauchi.
An sanar da hakan ne a cikin wani faifan bidiyo da AIT ta saka a shafinta na X ranar Talata.
Uwargidan Gwamna Bala Muhammed na jihar Bauchi, Aisha Bala, ta tabbatar da wannan karimcin na uwargidan shugaban kasar, inda ta kara da cewa ofishinta ya kuma baiwa kowannen wadannan gidaje naira 10,000.
“A yau, muna ƙara shaida wani muhimmin abu na rabon abinci ga mutane 2,400 ta Renewed Hope Initiative, watau gidauniyar uwargidan shugaban kasar Najeriya, inda kowane daya daga cikin wadanda suka ci gajiyar shirin zai karbi buhun shinkafa mai nauyin kilogiram 25 da kuma kudi naira 10,000 daga ofishina.
“Muna godiya wa uwargidan shugaban kasa, Sanata Oluremi Tinubu, da kuma gwamnan jihar, Sanata Bala Muhammed,” in ji Aisha Bala.
