Farashin tumatir a Najeriya ya yi mummunan tashi a yayin da ƴan ƙasar ke ƙara ƙorafin tashin farashin sauran kayayyaki.
Rahotanni da wannan jarida ta samu na nuna cewa a wasu sassan babban birnin tarayya Abuja, zai yi matukar wahala ka samu tumatir na ƙasa da naira ɗari biyar.
Wasu rahotannin kuma sun nuna cewa akwai inda ake sayar da tumatir din a kan kusan naira dubu saba’in kowane kwando, musamman a kudancin kasar.
