Tinubu ya tarbi shugaban kasar Senegal Bassirou Faye a fadar Aso Rock Villa

A ranar Alhamis ne shugaba Bola Tinubu ya tarbi shugaban kasar Senegal Bassirou Faye a fadar Aso Rock Villa, a ziyarar da Faye ya kai Najeriya tun bayan hawansa mulki a watan jiya.

Faye, mai shekaru 44, ya isa da karfe 3:09 na yamma, kuma an tarbe shi a bakin kofar fadar Villa.

Ziyarar shugaban na Senegal na zuwa ne bayan nasarar da ya samu mai cike da tarihi a zaben shugaban kasar da aka jinkirta a watan Afrilu, inda ya samu sama da kashi 54% na kuri’un da aka kada, inda ya zama shugaban kasa mafi karancin shekaru a tarihin Senegal.