Shugaban majalisar dokokin jihar Zamfara, Bilyaminu Moriki ya sauya sheka daga jam’iyar PDP ya zuwa APC.
Moriki ya koma jam’iyar APC tare da wasu mambobin majalisar su 12.
Shugaban majalisar ya sanar da sauya shekar ta su ne a yayin zaman majalisar a Gusau a lokacin da yake karanta wasikar sauya shekar a zauren majalisar.
Kamfanin Dillancin Labaran Najeriya NAN ya rawaito cewa yan majalisar sun sauya shekar ne biyo bayan ficewar da gwamnan jihar Dauda Lawal ya yi daga jam’iyar PDP inda ya koma APC.
Mataimakin shugaban kasa, Kashim Shettima da kuma shugabannin jam’iyar na kasa ne za su karbi a gwamnan a wurin wani biki da aka shirya gudanarwa ranar Talata 24 ga watan Maris.
