Shahararren marubuncin fina-finan barkwanci ya mutu

Stan Lee ne ya rubuta labarin fim din Spiderman da The incredible hulk da kuma Captain AmericaMarubucin litattafan nishadi da jarumta Stan Lee, wanda ya kawo sauyi a kan yadda ake shirye fina-finan barkwanci ya rasu a Los Angels.

Stan Lee mai shekara 95, a lokacin da ya ke kan ganiyar aikinsa, shi ya kirkire labarin fina-finan nan na ban dariya, da nuna bajinta wato Spiderman da The incredible hulk da kuma Captain America.

Gidajen sinima a fadin duniya sun yi cinikin sama da dala biliyan 20 ta hanyar wadanan fina-finai.

Shugaban kamfanin shirye fina-finai na Walt Disney, wanda yanzu haka ya mallaki Marvel ya ce Stan Lee wani mutum ne na daban, kamar yadda jaruman fina-finan da ya kirkira suke.

Ya kuma ce Stan Lee dan baiwa ne da ya ke da basirar nishadantarwa da kuma karfafa wa wasu kallo da bibiyar fina-finai ko ayukansa gwiwa.