Hakkin mallakar hoto
Getty Images
Real Madrid, a ranar Laraba, za ta ziyarci Valencia domin karawa da Valencia a wasan mako na 30 a gasar La Liga da za su kara.
Tuni Zinedine Zidane ya bayyana ‘yan wasa 19 da zai je da su karawar da za suyi afilin wasa na Mestalla.
A wasan farko da suka yi a Santiagio Bernabeu ranar 1 ga watan Disambar 2018 a bana, Madrid ce ta yi nasara da ci 2-0.
A kakar bara da kungiyoyin biyu suka kara a La Liga, sun tashi 2-2 a wasan farko da aka yi a Bernabue ranar 27 ga watan Agustan 2017, inda Real ta ci karawa ta biyu 4-1 ranar 27 ga watan Janairun 2018.
Real Madrid tana ta uku a kan teburin La Liga da maki 57, yayin da Valencia tana ta bakwai da maki 43.
‘Yan wasan Real Madrid:
Masu tsaron raga: Navas da Luca da kuma Moha.
Masu tsaron baya: Vallejo da Ramos da Varane da Marcelo da Odriozola da kuma Reguilón.
Masu buga tsakiya: Kroos da Modric da Casemiro da Asensio da Isco da kuma Ceballos.
Masu cin kwallaye: Mariano da Benzema da Bale da kuma Lucas Vázquez.
