Hukumar NDLEA dake yaki da sha da kuma fataucin miyagun kwayoyi reshen jihar Kano ta kwace tan 3.6 na haramtattun miyagun kwayoyi a jihar cikin watanni uku.
Abubakar Idris-Ahmad kwamandan hukumar na jihar Kano ya ce mutane 241 aka kama a tsakanin watan Yuli zuwa Satumba.
Ya ce kwayoyin da aka kama sun haɗa da tan 3.4 na ganyen tabar wiwi kilogram 274.1 na Codeine da Tramadol sai kilogram 0.4 na hodar ibilis nau’in cocaine sai nau’in heroin da metamphetamine.
Idris ya ce hukumar ta kuma yi nasarar samun hukuncin ɗaure masu safara da kuma ta’ammali da miyagun kwaƴoyi su 18 cikin 29 da ta gurfanar a gaban kotu a cikin watanni uku.
Ya kara da cewa har yanzu akwai sauran kararraki 132 da suke gaban kotu
