Wata mata dake tafiya akan babur ta mutu a Lagos bayan da wata mota ta faɗo daga kan gada akan babur ɗin da take kai.
Sola Giwa mai bawa gwamnan jihar Legas shawara kan harkokin sufuri ya ce motar ta ƙwacewa direban lokacin da yake ƙoƙarin kwana da ita yana tsaka da gudu.
Hakan ya sa motar ta faɗo kan babur ɗin daga kan gadar Iganmu.
Giwa ya ce lamarin ya faru da misalin ƙarfe 06:15 na safiyar ranar Litinin kuma direban ya gudu nan take saboda gudun kada fusatattun mutane sun farmasa.
Ya ƙara da cewa tuni aka ɗauke gawar matar ya zuwa asibiti aka kuma ɗauke motar kwantenar domin ababen hawa su samu sauƙin zirga-zirga.
