Kungiyar Monaco ta sanar da daukar Roberto Moreno a matsayin sabon kocinta, domin maye gurbin Leonardo Jardim.
Jardim ya lashe kofin Ligue 1 da Monaco tare da Kylian Mbappe da Bernardo Silva a kakar 2016/17.
Kafin Kirsimetin bana, Jardin ya doke Lille da ci 5-1, amma hakan bai hana mahukuntan kungiyar su sallame shi ba, tun kan ‘yan wasa su koma atisaye ranar 29 ga watan Disamba.
Tun farko Monaco ta yi sha’awar daukar tsohon kocin Valencia, Marcelino, amma ta amince da bai wa Moreno aikin.
Moreno tsohon kocin tawagar Spaniya ya saka hannu kan yarjejeniyar zuwa karshen kakar tamaula ta 2022.
AS Monaco tana mataki na bakwai a kan teburin Ligue 1, bayan buga wasa 18, ta yi nasara a takwas da canjaras hudu aka doke ta a fafatawa shida.