Hakkin mallakar hoto
Getty Images
Real Sociedad za ta karbi bakuncin Real Madrid a wasan mako na 30 a gasar La Liga da za su fafata ranar Lahadi.
Tuni kocin Real Madrid, Znedine Zidane ya bayyana ‘yan kwallon da zai je da su Reale Arena domin fuskantar Sociedad.
Messi ya ci kwallo na 699 a karawa da Leganes
Za a kammala Champions da Europa League cikin watan Agusta
Wasab farko da suka kara a gasar La Liga ranar 23 ga watan Satumba Real ce ta yi nasara a gida da ci 3-1.
Wadanda suka ci wa Madrid kwallayen sun hada da Karim Benzema da Fede Valverde da kuma Luka Modric
Ita kuwa Sociedad ta zare kwallo daya ta hannun Willian Jose wanda shi ne ya fara cin kwallo a wasan minti biyu da take leda.
Real Madrid tana ta biyu a kan teburin La Liga, amma idan za ta ci kwallo 4-0 a wasan na Lahadi to za ta koma ta daya.
Barcelona tana ta daya da maki 65 da rarar kwallo 38, Real kuwa tana da maki 62 da rarar kwallo 35.
‘Yan wasan Real Madrid da za su fuskanci Sociedad:
Masu tsaron raga: Courtois da Areola da kuma Altube.
Masu tsaron baya: Carvajal da Militão da Ramos da Varane da Marcelo da Mendy da kuma Javi Hernández.
Masu buga tsakiya: Kroos da Modric da Casemiro da Valverde da kuma James.
Masu buga gaba: Hazard da Benzema da Bale da Asensio da Brahim da Mariano da Vinicius Jr. da kuma Rodrygo.
