Jirage biyu mallakin rundunar sojan saman Najeriya sun yi hatsari a Katampe wani gari dake kusa da Abuja.
Wata majiya ta shedawa jaridar The Cable cewa sun yi hatsarin ne lokacin da suke gwajin atisayen wasan jiragen sama da za a yi na bikin ranar mulkin kan Najeriya.
Ibikunle Daramola mai magana da yawun rundunar sojan saman Najeriya ya ce biyu matuka jirgin biyu sun samu nasarar fita daga ciki.
Ranar 17 ga watan Satumba rundunar sojan saman ta sanar da mazauna birnin tarayya Abuja cewa zata gudanar da atisayen gwaji inda ta ce mazauna birnin kada su firgita domin jiragen za su rika shawagi kasa-kasa.
