Ƙungiyar Hamas ta sanar da naɗin Khalil al-Hayyah a matsayin sabon shugaban ofishinta na siyasa, inda ya maye gurbin Yahya Sinwar, wanda aka kashe a wani hari da sojojin Isra’ila suka kai a Zirin Gaza a watan Oktoban 2024.
Al-Hayyah, wanda aka haifa a 1960 a Zirin Gaza, na daga cikin waɗanda suka kafa ƙungiyar Hamas tun bayan kafuwarta a 1987.
Rahotanni sun ce tasirinsa a cikin ƙungiyar ya ƙaru bayan rasuwar wasu manyan shugabanninta, ciki har da Ismail Haniyeh, Yahya Sinwar da Muhammad Deif.
Naɗin nasa ya zo ne a lokacin da Hamas ke fuskantar manyan ƙalubale sakamakon yaƙin da ake ci gaba da yi a Zirin Gaza da kuma asarar wasu fitattun shugabanninta.
Hamas Ta Naɗa Khalil Al-Hayyah A Matsayin Sabon Shugaban Ofishinta Na Siyasa
