Gwamnan Babban Bankin Najeriya (CBN) da aka dakatar, Godwin Emefiele, ya isa babbar kotun tarayya da ke zamanta a Ikoyi, Legas, bisa tuhumarsa da laifuka biyu da suka hada da mallakar makamai da alburusai ba bisa ka’ida ba.
Jami’an hukumar tsaro ta farin kaya (DSS) ne suka kawo shi da karfe 09:21 na safe.
An gurfanar da Emefiele a gaban alkalin, Justice Nicholas Oweibo.
Tsohon shugaban kungiyar lauyoyin Najeriya (NBA), Joseph Daudu, shi ne ya jagoranci sauran lauyoyin da ke kare Emefiele.
Shugaban bankin da aka dakatar bai amsa laifin da ake tuhumarsa da shi ba.
