Darajar Naira ta faɗi a kasuwar musayar kudaden waje



Darajar takardar kuɗin naira ta ƙara yin rauni zuwa N1,470 kan dala ɗaya a kasuwar canjin kuɗaɗe ta bayan fage a ranar Laraba.

A ƙarshen ciniki, kuɗin Najeriya ya ragu da N25 wato kashi 1.73 cikin ɗari, idan aka kwatanta da N1,445 kan dala da aka samu ranar Talata.

Masu canjin kuɗi a Legas, waɗanda aka fi sani da Bureau de Change (BDC), sun ƙayyade farashin sayen dala a N1,450  yayin da farashin sayarwa ya kasance N1,470  kan dala ɗaya.

Wannan sabon farashin shi ne mafi muni da naira ta kai a kasuwar bayan fage tun daga ranar 28 ga Janairu.

Ana musayar dalar Amruka Naira ɗaya akan N1,430 a  ranar Litinin, idan aka kwatanta da N1,390 a ranar 13 ga Nuwamba, wanda ke nuna faduwar darajarta da N40 ko kuma kashi 2.88 cikin ɗari.

A kasuwar canjin kuɗi ta hukuma ma, naira ta ƙara yin rauni zuwa N1,363.23 kan dala ɗaya.

Bayanan da aka samu daga Kasuwar Musayar Kuɗaɗen Waje ta Najeriya (NFEM), wadda ita ce kasuwar musayar kuɗi ta hukuma a ƙasar, sun nuna cewa naira ta ragu da N7.43, ko kashi 0.55 cikin ɗari, daga N1,355.80 kan dala da aka samu ranar Talata.

Loading

Signing-in 3 seconds...

Signing-up 3 seconds...