Hakkin mallakar hoto
Getty Images
Shugaban Atletico Madrid Enrique Cerezo ya ce ya ji takaicin rashin kawo dan wasan gaban PSG Edinson Cavani dab da rufe kofar kasuwar ‘yan wasa.(ESPN).
Sabon kulob din da tsohon dan wasan Ingila David Beckham ya kafa Inter Miami ya sanar da ci gaba da jajircewa wurin ganin ya kawo Cavani kungiyar.
Shi ma dan wasan gaban Chelsea Tammy Abraham ya ce bai ji dadin gazawar kungiyar wurin sayo dan wasan gaban Uruguay din ba.(Mirror).
Shi kuwa dan wasan Chelsea Willian ya zabi ya tsawaita yarjejeniyarsa da kungiyar a maimakon komawa Barcelona.(ESPN).
A wata mai kama da haka, mai horar da ‘yan wasan Chelsea, Frank Lampard, ya ce yana bukatar kawo mai tsaron raga saboda rashin tabuka abin a-zo-a-gani da Kepa Arrizabalaga ke yi.(Express).
Rahotanni sun ce kadan ya rage Mesut Ozil ya bar Arsenal a ranar karshe ta rufe kasuwar cinikin ‘yan wasa.(Mirror).
Christiano Ronaldo ya kafa tarihi a matsayin dan wasan Juventus da ya ci wasanni tara a jere a cikin shekara 15.
Liverpool na shirin neman dan wasan gaban Borussia Dortmund Jadon Sancho a kaka mai zuwa(Express).
Mai horar da yan wasan Crystal Palace ya shawarci kungiyar da ta fara tunanin yin sabon zubin yan wasa, ganin cewa kungiyar ta kasa shiga kasuwa a watan Janairu.(Telegraph).
Shi kuwa mai horar da ‘yan wasan Lazio Simone Inzaghi ya ce ya so kungiyar ta kawo Olivia Giroud na Chelsea domin kara samun damar lashe kofin Serie A a bana.(Gazetta).
Hakkin mallakar hoto
Reuters
