Shahararren ɗan kasuwa a Najeriya, Blord, ya samu ‘yanci daga gidan gyaran hali na Kuje bayan ya cika sharuddan beli da aka gindaya masa.
Blord ya fita daga gidan yarin ne a yammacin ranar Litinin, inda ya bayyana jin daɗinsa bayan kwanaki da ya shafe a tsare.
Da yake magana da manema labarai a wani bidiyo da ke yawo a shafukan sada zumunta, ya gode wa Omoyele Sowore da tawagarsa, tare da dukkan mutanen da suka ba shi goyon baya har aka sake shi.
Ya kuma nuna godiya ga waɗanda suka taimaka masa da lokaci, kuɗi da sauran ƙoƙari, yana mai cewa Allah zai saka musu da alheri.
An dai tsare Blord ne tun farko sakamakon wata takaddama da ya yi ta yanar gizo da VeryDarkMan, lamarin da ya ja hankalin jama’a a faɗin ƙasar.
Blord Ya Shaƙi Iskar ‘Yanci Daga Gidan Yari Na Kuje, Ya Kuma Nuna Godiya Ga Masoyansa
