An sake kashe mutane shida a karamar hukumar Riyom da ke jihar Filato lokacin da wasu ‘yan bindiga suka kai farmaki yankin.
Lamarin dai a cewar wata majiya, ya faru ne a kauyen RahossSambak na Rahoss, inda ya ce wata mota ta afkawa wani da misalin karfe 7 na yammacin ranar Talata.
Ya kara da cewa mutanen kauyen sun yanke shawarar binne wanda hadarin ya rutsa da su a cikin daren nan sakamakon rashin kyawun yanayin gawar.
Majiyar ta bayyana cewa a lokacin da ‘yan makokin ke komawa gida, sun yi karo da ‘yan kwanton bauna inda aka harbe wasu mutane biyu, inda suka jaddada cewa yayin da suke kokarin daukar gawar mutanen kauyen wadanda aka kashe, maharan sun far musu tare da kashe hudu daga cikinsu.
