An hangi kare a sitiyarin mota lokacin tana tafiya

Yan sanda a Slovakia sun ci tarar wani mai mota da karensa ke jikin sitiyarin motarsa.

Hoton kamara mai sauri, wanda aka buga a dandalin Facebook, ya bayyana, yana nuna karen yana murmushi a kujerar tuƙi na Skoda.

Mai motar ya dage cewa dabbar tasa – karen farautar launin ruwan kasa – ya tsallake hau kan cinyarsa.

Sai dai jami’ai a kauyen Sterusy da ke arewa maso gabashin babban birnin kasar Bratislava, sun ce faifan bidiyo ya nuna ba haka lamarin yake ba.

Ba a fayyace ba idan tarar – da aka bayar ga mai shi karen, maimakon kare kansa – na yin gudun ne, ko kuma don kasa tsare dabbar a cikin abin hawan ne.