Sojojin Isra’ila Biyu Sun Mutu A Arewacin Gaza

Rundunar sojin Isra’ila ta ce dakarunta biyu sun mutu a arewacin Gaza bayan wani jirgi mara matuƙi da suke sarrafawa ya fashe bisa kuskure.

A cewar rundunar, jirgin ya faɗi ne a cikin wani sansanin soji jiya, bisa wasu dalilai da har yanzu ba a gano ba.

Sojojin sun ɗauko jirgin bayan ya faɗi, amma ya fashe bayan ɗan lokaci, lamarin da ya yi sanadin mutuwar sojojin biyu.

Rundunar sojin Isra’ila ta ce ta dakatar da amfani da ƙananan jirage marasa matuƙa masu ɗauke da abubuwan fashewa, har sai an kammala bincike kan musabbabin faruwar lamarin.