Jami’an gwamnatin Taliban da shugabannin ’yan adawar Afghanistan sun halarci jana’izar Ali Khamenei da aka gudanar a birnin Tehran na ƙasar Iran.
Kafofin yaɗa labarai na Iran sun wallafa hotunan shugaban ƙungiyar National Resistance Front of Afghanistan, Ahmad Massoud, da shugaban jam’iyyar haɗin kan Musulmin Afghanistan, Mohammad Mohaqiq, yayin da suke miƙa ta’aziyya ga iyalan marigayin.
Hakazalika, tawagar gwamnatin Taliban ƙarƙashin jagorancin mataimakin firaminista Abdul Ghani Baradar Akhund da ministan harkokin wajen ƙasar, Amir Khan Muttaqi, sun halarci jana’izar domin girmama marigayin.
A wani ɓangaren kuma, mataimakin ministan harkokin wajen Saudiyya, Walid Al-Khuraiji, tare da tawagarsa, sun isa Tehran domin miƙa ta’aziyyarsu.
Jami’an Taliban Da Shugabannin ’Yan Adawar Afghanistan Sun Halarci Jana’izar Ali Khamenei
