Jami’an hukumar tsaro ta NSCDC wato Civil Defense sun kama wani mutum dake ɗauke da bindiga a wata Church dake ƙaramar hukumar Bokkos ta jihar Filato a ranar Lahadi.
Lamarin ya faru ne da misalin ƙarfe 08:30 na safe lokacin da jami’an bisa dogaro da bayanan sirri da suka samu nasarar kama lokacin da suke gudanar da sintirin da suka saba a kusa da harabar cocin.
“An kama wanda ake zargin ɗauke da bindiga kuma ya gaza yin gamsasshen bayani ko kuma nuna wata sheda a hukumance da ta amince masa ɗaukar bindigar,” a cewar wani jami’in Civil Defense.
Lamarin na zuwa ne dai-dai lokacin da jihar ke cigaba da fuskantar karin yawan hare-hare da suka haifar da asarar rayuka masu yawan gaske.
