Majalisar dattawan Najeriya ta tabbatar da sunayen mutane 7 da shugaban ƙasa,Bola Ahmad Tinubu ya mika mata domin tantance su a matsayin ministoci.
An tabbatar da mutanen ne bayan zaman da majalisar tayi na ranar Laraba.
Mutanen da aka tabbatar sun haɗa da Nentawe Yilwatda ministan ma’aikatar jin ƙai da yaƙi da talauci, Muhammadu Maigari Dingyaɗi ministan ƙwadago da ayyukan yi, Bianca Odumegwu Ojukwu ƙaramar ministar harkokin waje da Yusuf Abdullahi Ata ƙaramin ministan gidaje da bunƙasa birane.
Sauran sun hada da Muktar Maiha ministan bunkasa kiyon dabbobi,Jumoke Oduwale ministar kasuwanci da zuba jari sai kuma Suwaiba Sa’idu Ahmad ƙaramar ministar ma’aikatar ilimi.
A makon da ya gabata ne shugaban ƙasa, Bola Ahmad Tinubu ya kori ministoci 5 daga gwamnatinsa kana ya miƙawa majalisar sunayen mutane 7 domin a tabbatar da su a matsayin ministoci.
