Majalisar dokokin jihar Taraba ta amincewa gwamnan jihar, Agbu Kefas ya ciwo bashin biliyan 206 da miliyan 778.
An amince masa ya ciwo bashin ne domin aiwatar da wani kwarya-kwaryar kasafin kudi.
Majalisar ta amince da bukatar ne a yayin zamanta na ranar Juma’a.
Bashin za a ciwo shi ne daga bankunan kasuwanci na Zenith, United Bank for Africa, Fidelity da kuma Keystone domin aiwatar da ayyuka daban-daban a jihar.
Joe Bonzena kakakin majalisar dokokin jihar ya ce an zartar da kasafin kudin tare da amincewa a ciwo bashin domin gwamnan ya samu damar bijiro da ayyukan da za su saka walwala a zukatan al’ummar jihar da suka dade suna jira.
